搶購維他命

我係南區一個比較多華人的地區工作。幾年下來幫左好多中國人買賣奶粉同維生命，係一個外國人賣方的角度，我發現中國人有幾個令人不解的地方。


１）好多人黎問有無剛出世嬰兒可以食的維生命同魚油同Calcium，我每次都諗，你地唔係應該喂緊奶粉或者母乳？特別係母乳，入面應該有晒小朋友所需要的營養。點解你地一定要迫小朋友食咁多維他命？？？


２）成人奶粉又係一個非常多人詢問的產品。真既成人奶粉通常係給一些老年人或者營養不足的病人飲的，特別係長期住院或者胃口久佳的人。通常呢種奶粉含高卡路里同有非常高的營養價值，主要作用係可以作為代餐或者補足飲品。正常健康的人係唔需要呢種奶粉，所以點解咁多中國人要買呢？仲有，有Ｄ嫌成人奶粉貴的人會買嬰兒junior奶粉黎當成人奶粉用。嬰兒junior奶粉因為係比小朋友，佢既卡路里同營養價值都係比較低（你諗下丫，一定ｂｂ仔一日食好多餐架嗎，已經到兩歲細路仔都食正餐啦），咁究竟你地買黎做咩呢？？


３）澳洲人係唔用蜂膠同蜂皇漿，更加唔會用袋鼠精同鴕鳥油(I know right?!)。不過呢Ｄ物品非常受華人歡迎。仲有我發現好多華人要搵又話澳洲製造的品牌我完全無見過。究竟呢的牌子係邊到黎既呢？


４）唔好再問我買得多有無折，你買十箱都無折呀！呢到唔係街市！

係咁多先啦，我相信每日返工總會有人俾我更多的surprise!

歸屬感

其實我唔知我的歸屬感係應該係邊。

我係香港住了十五年，係澳洲住了八年，由細到大都覺得自己係香港人，但係我越黎越覺得香港已經唔係一個我想返去的地方了。

以一個90年代係香港出生的香港人黎講，我真係對中國無乜良好感覺。我知，我知九七金融風暴同回歸無關係。但係因為兩件事都係同一年發生，細細個的我就將兩件事associate一齊。其實唔只呢兩件事，我根本就將所以回歸之後既壞事都同回歸串聯成一件事。


最近中港越黎越多矛盾，我覺得緣因中國同香港係好多唔同地方對人對事態度的分別。我對中國越黎越無歸屬感，其實唔係我唔想有，邊有人想做nobody呢？但係由細個我就將所有壞事同中國聯埋一齊，到我長大，新聞自由令我見到更多中國壞的一面：打壓人權，不接受任何政府以外的意見，貪污，製造危險食品等等，令我完成對作為一個中國人無自豪的感覺。


對，每次被問，我都會話自己係香港人！

自我介紹

今日開始寫我第一篇blog啦(大笑)!

我好似好多九十後咁，岩岩讀完大學畢業，希望可以搵到屬於自己的路。